ជនសង្ស័យចំនួន០៣នាក់ ពាក់ព័ន្ធករណីហិង្សាដោយចេតនា ត្រូវបានកម្លាំងប៉ុស្តិ៍នគរបាលរដ្ឋបាលចោមចៅទី១ ឃាត់ខ្លួន
ថ្ងៃចេញផ្សាយៈ January 14, 2024
នៅថ្ងៃទី១៣ ខែមករា ឆ្នាំ២០២៤ វេលាម៉ោង២៣:៥០នាទី នៅចំណុចភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ កម្លាំងប៉ុស្តិ៍នគរបាលរដ្ឋបាលចោមចៅទី១ បានឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីហិង្សាដោយចេតនា។
ឃាត់ខ្លួនជនសង្ស័យចំនួន០៣នាក់រួមមាន៖
១. ឈ្មោះ ហឿន តារា ភេទប្រុស មុខរបរជាង ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
២. ឈ្មោះ ជា សារួន ភេទប្រុស មុខរបរ កម្មកររោងចក្រ ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
៣. ឈ្មោះ អឿន ចាន់រដ្ឋ ភេទប្រុស មុខរបរ កម្មកររោងចក្រ ស្នាក់នៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ។
សម្ភារៈដកហូត៖ ម៉ូតូ២គ្រឿង ម៉ាក Honda Scoopy ពណ៌ស ផ្លាកលេខ ភ្នំពេញ 1KH-8076 និងម៉ាក Honda Dream ពណ៌ខ្មៅ ផ្លាកលេខ ភ្នំពេញ 1kk-6461, ទូរស័ព្ទម៉ាក OPPO A17 ពណ៌ខៀវ ដាវដែលកែច្នៃ ចំនួន០១ ដែកឆាបចុងស្រួច ចំនួន០១។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕
